Një nga figurat madhore të kulturës mesjetare shqiptare, Theodhor Kavaljoti, nda nga jeta, më 11 Gusht 1789. Mendimtari filozofi dhe pedagogu illuminist shqiptar, u lind me 1718, në Voskopojë. U arsimua në vendlindje dhe në Janinë. Më 1743, u emërua mësues dhe më pas, drejtor i shkollës së mesme, që më 1750, u quajt Akademia e re e Voskopojës. Ai është autor i teksteve të para shkollore shqiptare, që kanë ardhur deri në ditët tona si, ”Llogjika”, “Fizika”, “Metafizika”. Rëndësi të veçantë, ka vepra e tij “Protopiria”, botuar në Venedik më 1770. Libri përmban edhe një fjalorth me 1170 fjalë në gjuhën shqip, greqisht dhe sllavisht. Theodhor Kavaljoti, veç mësimdhënies, ishte dhe një propagandist i dijeve dhe mendimeve filozofike përparimtare të kohës.
Referencat:
Thimi Çollaku / Kalendari i botës shqiptare
You may also like
-
16 Prill 1736 u shkrua Kodiku nr.72 i Beratit, monument i kulturës sonë mesjetare me vlera të mëdha historike e artistike
-
16 Prill 1881, Lidhja e Prizrenit filloi konfliktin e armatosur me forcat e perandorisë Osmane
-
16 Prill 1895, lindi poeti arbëresh Josif Rela nga krahina e Zarës në Dalmaci
-
16 Prill 1912, Kuvendi i Krasniqit i paraqiti qeverisë xhonturke një memorandum ku i kërkohej njohja e autonomisë së Shqipërisë
-
16 Prill 1913, Esat Pashë Toptani nënshkroi marrëveshjen e kapitullimit dhe dorëzoi Shkodrën tek malazezët