Rexhep Demi
Në Bari të Italisë, më 13 Dhjetor 1929, u nda nga jeta luftëtari i lirisë, patrioti i flaktë dhe pedagogu Rexhep Demi, nxënës dhe vazhdues i veprës së Hasan Tahsinit. Shtëpia e tij në Filat të Çamërisë, ishte djep i klubit “Vëllazëria” dhe e shkollës shqipe. Atje mësohej ABC dhe lufta për liri. Për veprimtarinë patriotike, Rexhep Demi më 1908, u burgos nga pushtuesit osmanë dhe më 1915, nga shovinistët grekë. Por ai s’u thye dhe s’u ligështua. Gjatë kryengritjes antiosmane të viteve 1911-1912, u rreshtua me armë në dorë, në çetën e Muharrem Rushitit; në Nëntor të vitit 1912, ishte ndër ta, që firmosi “Aktin e Pavarësisë” në Vlorë. Pas vitit 1917, shërbeu mësues në Konispol, Gjirokastër dhe gjetkë.
Referencat:
Thimi Çollaku / Kalendari i botës shqiptare
You may also like
-
29 Mars 1915, Nikollë Ivanaj botoi në Shkodër numrin e parë të gazetës ”Lidhja Kombëtare”
-
29 Mars 1913, Ismail Qemali, Luigj Gurakuqi dhe Isa Boletini u nisën për në Londër
-
29 Mars 1925, ra duke luftuar në shpellën e Dragobisë Bajram Curri
-
29 Mars 1925, ministri Myfit Libohova nënshkroi marrëveshjen për themelimin e Bankës Kombëtare
-
29 Mars 1945, Qeveria Shqiptare bëri kërkesën zyrtare për pranimin në OKB