13 Prill 1695, vdiq poeti kombëtar i Francës, La Fonteni

Më 13 Prill 1695, vdiq poeti kombëtar i Francës, La Fonteni. Rilindasit dhe intelektualët shqiptarë, duke vlerësuar lart mesazhet e fabulave të tij, kanë sjellë në shqip shumë prej tyre. I pari ishte Naim Frashëri, që shqipëroi dhe përshtati mjaft krijime të La Fontenit. Ndërsa Çajupi, botoi në Egjipt “Përralla të zgjedhura të vjershëtorit të madh La Fonten”, ku përfshihen 110 fabula të shqipëruara apo të përshtatura. Me përkthimin dhe vargëzimin e fabulave të La Fontenit janë marrë edhe disa personalitete të kulturës shqiptare, ndër të edhe Omer Nishani, Vedat Kokona, etj. Shqipërimet e tyre janë përfshirë në librin “La Fonten Fabula”, botuar në vitin 1989.

Referencat:

Thimi Çollaku / Kalendari i botës shqiptare