14 Shkurt 1910, u mbajt në Korçë mitingu i alfabetit shqip

0
1027

Të Dielën më 14 Shkurt 1910, në Korçë u zhvillua “Mitingu i Alfabetit”. Mbi 12000 atdhetarë nga qyteti dhe fshatrat e Korçës dhe të Devollit u mblodhën në kodrat e “Lirisë”, për të mbrojtur edhe me gjak shkronjat shqipe. Atje mbajtën fjalime të zjarrta Ymer Zavalani, Sami Pojani, Grigor Cilka, Hafiz Ali Korça dhe Ismail Gostivishti. Parashqevi Qiriazi në kujtimet e veta tregon se si shkroi fjalët dhe muzikën e “Këngës së Alfabetit”, që u luajt për herë të parë në miting dhe u përhap në të gjithë Shqipërinë. Mitingu i alfabetit në Korçë u organizua si përgjigje e tubimit që kurdisën xhonturqit me një grusht fanatikësh, më 6 Shkurt 1910, kundër alfabetit të miratuar nga Kongresi i Manastirit dhe për përdorimin në Shqipëri të alfabetit arab. Reagimi kundër kësaj manovre ishte shumë i gjerë. Mitingje si ai i Korçës u organizuan në disa qytete të Shqipërisë.

Referencat:

Thimi Çollaku / Kalendari i botës shqiptare

SHPËRNDAJE
Arikulli pasues14 Shkurt 1916, lindi Theodhor Samsuri, mësues e diplomat
Arikulli vijues14 Shkurt 1905, lindi juristi Rasim Kolonja
Qendra Mbarëkombëtare e Koleksionistëve Shqiptarë (QMKSH) është një organizatë jo-fitimprurëse e hapur në 2007 me qëllim promovimin e materialeve origjinale të koleksionistëve shqiptarë dhe të huaj mbi data apo figura historike të kombit me fokusim parësor zhvillimin e ndërgjegjes historike të kombit. Qëllimi është anëtarësimi i një rrjeti elitar koleksionistësh shqiptarë brenda e jashtë vendit, për të bërë të mundur nxitjen dhe mbledhjen e tyre për të organizuar ekspozita e aktivitete.