Vilhelmi I, sic u quajt Princ Vidi, kur erdhi në krye të shtetit shqiptar, më 17 Mars 1914, formoi qeverinë e parë shqiptare, të njohur nga Fuqitë e Mëdha. Kryeministër u emërua Turhan Pashë Përmeti, që mbante dhe postin e Ministrit te Jashtëm. Në përbërje të kabinetit të tij ishin: Esat Pashë Toptani-Minister i Luftës, Dr. Adhamidh Bej Frashëri-Ministër i Financave (në maj postin e tij e zuri Filip Noga), Dr Myfit Bej Libohova-Ministër i Drejtësise dhe i Fesë, Hasan Prishtina-Ministër i Postë-telegrafës, Dr. Mihal Turtulli-Ministër i Arsimit, Azis Vrioni-Ministër i Bujqësisë, Preng Bib Doda-Ministër i Punëve Publike (në maj të atij viti u zëvendësua nga Dr. Mufit Libohova). Kabineti vazhdoi veprimtarinë e vet deri në fund të muajit maj 1914.
Referencat:
Thimi Çollaku / Kalendari i botës shqiptare