Në qytetin e Korçës, më 19 Mars 1909, lindi Stefan Çilka, një nga mjekët e parë që gjithë jetën e shkriu në shërbim të shëndetit të popullit. Mësimet e para i mori në shkollën amerikane të çiftit të nderuar Kenedi në Korçë. U diplomua në Institutin Teknologjik Amerikan të Samokovit në Bullgari. Pas një konkursi, vazhdoi Fakultetin e Mjekësisë në Universitetin e Sorbonës në Francë, ku u diplomua në vitin 1936. Në vitin 1939, u emërua mjek në Spitalin Civil të Tiranës. Me hapjen në Tiranë të Institutit të Higjenës, Stefan Çilka u emërua atje dhe punoi, deri sa doli në pension. Stefan Çilka si pedagog ka udhëhequr mbi 20 vjet specializimin e mjekëve mikrobiologë dhe epidemiologë, duke përgatitur edhe tekstet e nevojshme për këtë qëllim.
Referencat:
Thimi Çollaku / Kalendari i botës shqiptare
You may also like
-
18 Prill 1392, zoti i Durrësit Gjergj Topia dorëzoi mbrojtjen e qytetit tek venedikasit me kusht që të ndërtonin një kanal mbrojtës
-
18 Prill 1880, ambasadorët e Fuqive të Mëdha nënshkruan “Protokollin e Stambollit”
-
18 Prill 1907, u formua në Shkodër shoqëria e punëtorëve dhe e zejtarëve
-
18 Prill 1921, lindi Nermin Vlora-Faiaski mbesa e Ismail Qemalit
-
18 Prill 1937, doli numri i parë i gazetës “Shtypi”