Lek Matranga përfundoi, më 20 Mars 1592, përkthimin në shqip të katekizmës “E mbesuame e kërshtere”. Ky është një ndër përkthimet e para në gjuhën tonë që njohim deri më sot. Lek Matranga është autori më i vjetër arbëresh. Lindi në Horë të Arbëreshëve të Siçilisë më 1560. Pasi kreu studimet në një kolegj fetar të Romës u kthye në fshatin e vet, ku shërbeu si prift. Katekizma e shqipëruar dhe e botuar prej tij ka një rëndësi të madhe për dokumentmin e një faze të vjetër e të folmeve të arbërishtes. Në këtë vëllim është përfshirë dhe një vjershë, që është poezia e parë shqipe që njihet deri më sot.
Referencat:
Thimi Çollaku / Kalendari i botës shqiptare
You may also like
-
23 Prill 1995 u vendos “Dita Botërore e Librit dhe e të Drejtave të Autorit”
-
23 Prill 1682 lindi prijësi kishtar, Gjergj Guxeta
-
23 Prill 1872 lindi gjuhëtari, përkthyesi dhe diplomati Gjergj Pekmezi
-
23 Prill 1881 merr fund Lidhja e Prizrenit
-
23 Prill 1905 u mblodh në Bukuresht kongresi për organizimin e lëvizjes shqiptare për pavarësi