30 Maj 1913, përfundoi Lufta Ballkanike

Më 30 Maj 1913, përfundoi Lufta Ballkanike. Atë ditë në Londër, u nënshkrua Traktati i Paqes midis Bullgarisë, Serbisë, Malit të Zi dhe Greqisë nga njëra anë dhe Turqisë nga ana tjetër. Ky akt ngjalli pakënaqësi si në Ballkan, ashtu dhe jashtë tij dhe ishte një nga shkaqet që një muaj më vonë të shpërthente Lufta II Ballkanike. Sipas nenit 3 të këtij Traktati, Fuqive të Mëdha (Gjermanisë, Austro-Hungarisë, Francës, Britanisë së Madhe, Italisë dhe Rusisë) ” u lihej kujdesi që të rregullonin caktimin e kufijve dhe çdo çështje tjetër, që kishte të bënte me Shqipërinë.” Kjo praktikisht shënon fundin e sundimit otoman në Shqipëri.

Referencat:

Thimi Çollaku / Kalendari i botës shqiptare