31 Mars 1887, doli në Palermo numri i parë i revistës “Arbëri i ri”

Në Palermo të Italisë Françesko Stasi Peta dhe Zef Skiroi nxorën, më 31 Mars 1887, numërin e parë të revistës mujore “Arbëri i ri”. Në faqet e saj, gjejmë emra të shquar arbëreshë, si Serembe, Krispi, Variboba, Dara, etj. Ajo botoi për herë të parë pjesë nga “Kënga e spasme e Balës”, kryevepër e Gabriel Darës së ri, përralla arbëreshe të mbledhura nga Xhentile Mandala, një studim të albanologut të famshëm Gustav Mejer për shqiptarët dhe shumë shkrime të tjera.

Referencat:

Thimi Çollaku / Kalendari i botës shqiptare