Aktorja e Teatrit Kombëtar të Tiranës, “Artistja e Merituar”, Esma Agolli, u lind në Tiranë, më 1 Korrik 1928. Krijimtarinë skenike e ka filluar që në vitin 1948, duke skalitur shumë role në pjesët e autorëve shqiptarë dhe të huaj. Ajo mbetet edhe një ndër pioneret e artit të shtatë shqiptar. Ka luajtur në filmin e parë artistik me metrazh të shkurtër, “Fëmija e saj”, me regji të Hysen Hakanit, në filmin “Tana”, “Mysafiri”, “Në shtëpinë tonë”. Esma Agolli, është një ndër bashkëpunëtoret më të herëshme të mikrofonit dhe të ekranit të vogël shqiptar. Në arkivat e Radio-Televizionit shqiptar, ka me dhjetra regjistrime të “Teatri në mikrofon” dhe emisione të tjera artistike, ku interpreton aktorja. Edhe filmi i fundit, “Fletë të bardha”, xhiruar në vitin 1990, ku ajo luan rolin e Afërditës, është film televiziv.
Referencat:
Thimi Çollaku / Kalendari i botës shqiptare
You may also like
-
21 Prill 1407, hordhitë osmane nisën sulmet e para kundër kështjellës së Krujës
-
21 Prill 1831, forcat e Mustafa Pashë Bushatlliut dhe ushtritë turke u ndeshën në betejën e Babunës
-
21 Prill 1907, mërgimtarët shqiptarë themeluan në Buenos Aires shoqërinë atdhetare e kulturore “Lidhja shqiptare”
-
21 Prill 1919, protestë e komiteteve patriotike për Konferencën e Paqes në Paris
-
21 Prill 1858, lindi patrioti Llambi Goxhomani