Më 10 Shkurt 1917 në Adana të Turqisë lindi Musine Kokalari, shkrimtare, studiuese e veprimtare politike. Në vitin 1920 familja e saj u kthye në atdhe, ku mësimet e para i mori në Gjirokastër dhe u diplomua në Universitetin e Romës për letërsi. Shkrimet e para i botoi në vitin 1937 në revistën “Shtypi” me pseudonimin “Lady”. Ishin shkrime të shkurtra me njgyrë letrare e stil gazetaresk që kritikonin mangësitë e jetës shoqërore të kohës. Në vitin 1943 ajo krijoi Partinë Socialdemokrate Shqiptare dhe botoi gazetën “Zëri i rinisë”. Pas luftës së dytë botërore dhe vendosjes së regjimit komunist në Shqipëri ajo u arestua dhe u dënua me 20 vjet burg. U lirua në vitin 1964 dhe punoi në punë të thjeshta në Rrëshen dhe Mirditë deri sa vdiq në vitin 1983. Musine Kokalari është një shëmbull ekzemplar i përndjekjes së mendjeve të ndritura femërore gjatë diktaturës komuniste në Shqipëri. Pas ndryshimeve demokratike të vitieve 90 ajo u shpall “Pishtare demokracisë dhe shqiptarizmës”.
Referencat:
Thimi Çollaku / Kalendari i botës shqiptare
You may also like
-
5 Prill 1208, Dhimitri, arkondi i madh i Arbërisë, nënshkroi marrëveshjen e paqes me Raguzën
-
5 Prill 1897, u botua nga Komiteti i Stambollit gazeta “La Nacione Albanese” në Itali
-
5 Prill 1912, lindi ushtaraku Veli Dedi “Luftëtar i Brigadave Ndërkombëtare”
-
5 Prill 1914, forcat kombëtare zmbrapsën trupat e rregullta të ushtrisë greke në Korçë
-
5 Prill 1921, përfunduan zgjedhjet parlamentare për Këshillin Kombëtar