Një nga punonjësit e vjetër të Radio-Tiranës, Stavri Sharxhi, u lind në Korçë, më 21 Korrik 1943. Pas diplomimit në Fakultetin e Histori-Filologjisë të Universitetit të Tiranës, u trajnua nëAgjensinë Telegrafike Shqiptare dhe nëAgjensinë e Lajmeve Hungareze. Rrugën e gazetarisë, e filloi në redaksinë e fëmijëve në Radio-Tirana. Në vitin 1975, u tranferua si korespondent i ATSH në Korçë, duke mbuluar edhe rrethet e Pogradecit dhe të Kolonjës. Në vitin 1981, u kthye në ATSH, në postin e përgjegjësit të sektorit të brëndshëm, ku punoi deri sa doli në pension. Nga pena e tij, kanë dalë mijëra lajme, reportazhe, radiokronika, radioreportazhe e radiodramatizime. Shumë shkrime të tjera që mbajnë autorësinë e tij, janë botuar në faqet e disa gazetave dhe revistave.
Referencat:
Thimi Çollaku / Kalendari i botës shqiptare
You may also like
-
3 Prill 1880, u formua në Shkodër “Lidhja mbrojtëse e malësisë dhe e qytetit”
-
3 Prill 1937, albanologu austriak Henri Shats nisi një ekspeditë studimore në alpet shqiptare
-
3 Prill 1939, në prag të pushtimit Italian, shtypi shqiptar pushtohet nga propaganda fashiste
-
3 Prill 1939, shfaqja patriotike në kinema Gloria solli manifestime të forta antifashiste në Tiranë
-
3 Prill 1940, u krijua në Shqipëri Këshilli i Epërm Fashist Korporativ