Në janar të vitit 1821 në Vllahi të Rumanisë shpërtheu një kryengritje popullore kundër feudalëve vendas dhe pushtuesve osmanë. Kryengritja udhëhiqej nga Tudor Vladimiresku. Më 21 Mars 1821, kryengritësit sulmuan dhe morën me luftë Bukureshtin. Në kryengritjen e Vllahisë morën pjesë dhe shumë shqiptarë që kishin emigruar në këtë krahinë. Ata kanë luajtur një rol të rëndësishëm jo vetëm si luftëtarë të lirisë, por edhe si organizatorë dhe agjitatorë, për të ngritur fshatarët në luftë për liri. Tudor Vladimiresku mbështetej mbi trimërinë dhe besnikërinë e shqiptarëve dhe i dërgonte ata në pikat më të nxehta të luftës.
Referencat:
Thimi Çollaku / Kalendari i botës shqiptare