Më 25 Janar të vitit 1710 u lind Pal Parrinoja, një ndër albanologët e parë arbëreshë, rektor i Seminarit Shqiptar të Palermos. Studioi historinë e Shqipërisë nga lashtësia, doket e zakonet e Shqiptarëve. Argumentoi se shqiptarët dallohen qartë prej grekëve dhe sllavëve dhe se ata janë pasardhës të ilirëve. Pati në dorë parathënien e “Mesharit” të Gjon Buzukut. Vepra e tij prej rreth 600 faqesh mbeti dorëshkrim. Pal Parrinoja ndërroi jetë në moshën 55 vjeçare në vitin 1765.
Referencat:
Thimi Çollaku / Kalendari i botës shqiptare