Më 25 Shkurt 1420, midis Gjon Kastriotit dhe Republikës së Raguzës u nënshkrua marrëveshje për shkëmbimet tregëtare. Sipas dokumentit të botuar nga albanologët Talloci Jiricek, Gjon Kastrioti zotohej të mbronte dhe të dëmshpërblente çdo dëm që mund t’u shkaktohej tregëtarëve raguzianë në territoret e tij. Dokumenti parashikonte gjithashtu tatimet doganore për mallrat e shkëmbyera me Republikën e Raguzës. Marrëveshja tregëtare me Raguzën është një dokument që kanë ardhur deri në ditët tona, ajo dëshmon për egzistencën e principatave feudale në tokat arbërore dhe për aftësitë shtetformuese të shqipëtarëve të asaj periudhe.
Referencat:
Thimi Çollaku / Kalendari i botës shqiptare