Kombi shqiptar sot me krenari kujton lindjen e nobelistes dhe shënjtores shqiptare, Gonxhe Bojaxhiu, Nënë Terezës së madhe, që gjithë jetën ia kushtoi shërbimit të njeriut të varfër dhe të mjerë. U lind në Shkup, në një familje të thjeshtë shqiptare, më 26 Gusht 1910. Që kur ishte 18 vjeç, shkoi në Irlandë dhe iu përkushtua kishës. Në vitin 1928, u vendos në Kalkuta të Indisë, dhe u quajt Nënë Tereza e Kalkutës. Fillimisht dha mësim gjeografie dhe teologjie. Ishte 38 vjeç, kur veshi sarin e bardhë të indianeve të varfëra dhe krijoi Kongregacionin e Misionarëve të Bamirësisë, duke iu përkushtuar tërdsisht ndihmës dhe edukimit të fëmijëve të varfër e të braktisur, të sëmurëve që lëngonin rrugëve dhe nevojtarëve të pashpresë, që gëlonin në Kalkutë dhe në gjithë Indinë. Shëmbulli dhe veprimtaria thellësisht njerëzore e Nënë Terezës dhe e kolegeve të saj, u zgjerua dhe u përhap në tërë vendet e botës. Sot në 120 vende ka 588 shtëpi bamirësie që mbajnë emrin e saj. Nisma e Nënë Terezës, shqiptares së madhe, u vlerësua kudo. Asaj iu akorduan çmime dhe tituj më të lartë: që nga çmimi “Nobel”, e deri tek “Nderi i Kombit”, titulli më i lartë, që u jepet njerzve më të shquar, që ka nxjerrë kombi ynë i lashtë.
Referencat:
Thimi Çollaku / Kalendari i botës shqiptare
You may also like
-
6 Prill 1260, u pikturua në Apolloni portreti laik i Mihal Paleologut
-
6 Prill 1528, vdiq piktori Albreht Dyrer; vepra e tij ka shërbyer ndër shekuj për njohjen e Gjergj Kastriotit dhe luftës së tij në Gjermani
-
6 Prill 1911, Ded Gjo luli valëviti Flamurin Shqiptar në Deçiç
-
6 Prill 1924, vrasja e dy turistëve amerikanë në Mamurras, acaroi marrëdhëniet me SHBA
-
6 Prill 1936, premierë e filmit “Blood brothers” në kinema “Gloria” të Tiranës