Më 27 Gusht 1913, gazeta shqiptare “Përlindja e Shqipërisë”, në artikullin “Trami në Vlorë”, shkruan për përpjekjet e qeverisë së përkohëshme për t’i dhënë Shqipërisë një “fytyrë të re”. Për këtë ajo ka shkruar në ballë të programit të saj, “rrugë dhe shkolla”. Më poshtë, artikulli shkruan se një shoqëri italiane ka ofruar ndërtimin e një trami, që do të lidhë Vlorën me Skelën, ku do të ngrihet qyteti i ri. Por zhvillimi i ngjarjeve të brëndëshme dhe të jashtme, nuk i dhanë mundësi qeverisë së Ismail Qemalit, të realizonte programet e saja.
Referencat:
Thimi Çollaku / Kalendari i botës shqiptare