Ndre Zadeja
Në Shkodër, më 3 Nëntor 1891, u lind kleriku, dramaturgu dhe shkrimtari, Ndre Zadeja. Mësimet e para i mori në vendlindje dhe u diplomua për teologji në Austri. Krahas shërbesave fetare, u bë i njohur me krijimtarinë e tij letrare. Shkroi shumë vepra të cilat kanë mbetur në dorëshkrim, për mungesë të mjeteve financiare. Fat me të mirë patën melodramat e tij, të cilat u luajtën në skenat e Shkodrës dhe të Tiranës. Prej tyre përmendim “Ora e Shqypnisë”, “Rrethimi i Shkodrës” e “Rozafa”.
Referencat:
Thimi Çollaku / Kalendari i botës shqiptare