Në prag të agresionit fashist kundër Shqipërisë, më 3 Prill 1939, shtypi i kryeqytetit me tituj të mëdhenj shkruante për marrëdhëniet midis Shqipërisë dhe Italisë dhe botonte deklaratën e shkurtër zyrtare, ku thuhej; “Disa fletore të huaja si dhe persona të papërgjegjshëm kanë përhapur këto ditët e fundit lajme tendencioze përmbi Shqipërinë dhe marrëdhëniet e saj me Italinë. Është jashtë çdo dyshimi, theksohej në deklaratë, se këto lajme, kanë për qëllim, t’i paraqitin në mënyrë të gabuar marrëdhëniet miqësore që ekzistojnë midis Shqipërisë dhe Italisë”. Po atë ditë, në faqet e katërta të gazetave nën titullin “Kush do t’i masë forcat e tij me ne, jemi gati”, jepej fjalimi kërcënues i Fyhrerit nazist Adolf Hitlerit, ndaj botës demokratike perëndimore.
Referencat:
Thimi Çollaku / Kalendari i botës shqiptare
You may also like
-
3 Prill 1880, u formua në Shkodër “Lidhja mbrojtëse e malësisë dhe e qytetit”
-
3 Prill 1937, albanologu austriak Henri Shats nisi një ekspeditë studimore në alpet shqiptare
-
3 Prill 1939, shfaqja patriotike në kinema Gloria solli manifestime të forta antifashiste në Tiranë
-
3 Prill 1940, u krijua në Shqipëri Këshilli i Epërm Fashist Korporativ
-
3 Prill 1969, një tërmet i fortë goditi rrethet e Vlorës, Beratit e Përmetit