Doktori i shkencave gjeologjike, Fiqiri Bakalli, u lind në Tiranë, më 7 Qershor 1937. Studimet e larta i ndoqi në Institutin e Minierave në Leningrad dhe pas prishjes së marrëdhënieve me Bashkimin Sovjetik, i vazhdoi në Fakultetin e Gjeologjisë dhe Minierave në Tiranë. Karrjerën e filloi në Ndërmarrjen Gjeologjike të Rubikut dhe drejtoi ekspeditën e Spaçit. Pas 5 vitesh kaloi si specialist dhe më pas si kryespecialist në Drejtorinë e Përgjithshme të Gjeologjisë në Ministri, specialist për gjeologjinë në Komitetin e Shkencave dhe të teknikës etj. Në vitin 1995, Fiqiri Bakalli, fitoi titullin e lartë, Doktor i Shkencave Gjeologjike. Ai është autor apo bashkautor i disa studimeve të sintezës si: “Harta Gjeologjike e Shqipërisë”, i tekstit “Gjeologjia e Shqipërisë” etj. Për rezultatet në punë dhe në fushën e studimeve, ka merituar Medaljen dhe Urdhërin e Punës dhe Çmimin e Republikës të Shkallës së I.
Referencat:
Thimi Çollaku / Kalendari i botës shqiptare
You may also like
-
4 Prill 1922 u lind Ndrek Shkjezi.
-
4 Prill 1460, Skënderbeu i shkon në ndihmë aleatit të tij Alfons të Napolit
-
4 Prill 1937, gazetat e Tiranës ngrenë çështjen e punës me plane afatgjata
-
4 Prill 1937, u botua lista e parë me emra shqiptarë për djem e vajza, e përpiluar nga patrioti Baba Ali Tomorri
-
4 Prill 1939, takime intensive të kontit Çiano për pushtimin e Shqipërisë