Pionerja e skenës dhe ekranit shqiptar, Besa Imami, u lind më 8 Gusht 1928, është një ndër aktoret që ka hyrë në enciklopeditë e huaja. Për të shkruan “Tetralnaja Enciklopedia”, vëllimi i dytë në faqen 863. Besa, e nisi karrjerën skenike si amatore, me një pjesë të luajtur me rastin e zgjedhjeve të 2 Dhjetorit 1945 dhe e vazhdoi me sukses për më shumë se 40 vjet, kurse në ekran doli për herë të parë, në rolin e Donika Kastriotit, tek filmi sovjeto-shqiptar “Skëndërbeu”, xhiruar në vitin 1953 dhe lauruar me çmimin e Festivalit Ndërkombëtar të Filmit në Kanë, një vit më vonë.
Referencat:
Thimi Çollaku / Kalendari i botës shqiptare