Më 8 Janar 1826, në Palac Adriano të Sicilisë, në një familje të lashtë arbëreshe u lind Gavril Dara i riu. U diplomua për jurisprudencë, por u bë i njohur me veprimtarinë patriotike dhe si shkrimtar. Mori pjesë në lëvizjen e Garibaldit. Ai shërbeu si avokat dhe në poste të larta administrative. Disa vite drejtoi fletoren “La riforma” në Romë. Interesat letrare dhe shkencore të Darës ishin të gjëra dhe përfshinin poezinë, folklorin, arkeologjinë dhe drejtësinë. Ai perveç vjershave në italisht, hyri në historinë e letërsisë shqipe me baladën romantike “Kënga e sprasme e Balës”, që pasqyron qëndresën e shqiptarëve të prirë nga Gjergj Kastriot Skënderbeu.
Referencat:
Thimi Çollaku / Kalendari i botës shqiptare