Në Sana të Jemenit më 13 Mars 1881, u lind Rauf Fico, shtetar dhe diplomat shqiptar. Pas diplomimit në Universitetin e Stambollit zuri poste të larta në administratën turke dhe njëherësh u angazhua për çështjen kombëtare. Mori pjesë në Kongresin e Manastirit dhe pas shpalljes së Pavarësisë ishte këshilltar i Ismail Qemalit për punët e brëndshme. Në prag të Kongresit të Lushnjës dha dorëheqjen nga kabineti i Qeverisë së Durrësit dhe u emërua Zëvëndësministër i Brëndshëm në Qeverinë e Sulejman Delvinës. Në vitin 1922, drejtoi Dikasterin e Brëndshëm. Katër vjet më vonë kaloi në Shërbimin Diplomatik, duke përfaqësuar Shqipërinë në Turqi e Bullgari. Në vitin 1930 kryeson Ministrinë e Jashtme dhe më pas përfaqësoi vendin në Beograd, Athinë dhe Berlin. Rauf Fico e kundërshtoi pushtimin e Shqipërisë nga Italia Fashiste dhe për këtë u internua. Pas lirimit kthehet në Atdhe dhe në Janar 1944 vdes në Tiranë.
Referencat:
Thimi Çollaku / Kalendari i botës shqiptare
You may also like
-
16 Prill 1736 u shkrua Kodiku nr.72 i Beratit, monument i kulturës sonë mesjetare me vlera të mëdha historike e artistike
-
16 Prill 1881, Lidhja e Prizrenit filloi konfliktin e armatosur me forcat e perandorisë Osmane
-
16 Prill 1895, lindi poeti arbëresh Josif Rela nga krahina e Zarës në Dalmaci
-
16 Prill 1912, Kuvendi i Krasniqit i paraqiti qeverisë xhonturke një memorandum ku i kërkohej njohja e autonomisë së Shqipërisë
-
16 Prill 1913, Esat Pashë Toptani nënshkroi marrëveshjen e kapitullimit dhe dorëzoi Shkodrën tek malazezët