Mihal Sherko
Në Korçë, më 27 Tetor 1887, u lind gazetari, pedagogu dhe diplomati i shquar Mihal Sherko. U diplomua për histori, filozofi dhe pedagogji. Ka dhënë mësim në Kolegjin e Odesës, në Kolegjin e Varnas në Bullgari dhe në Liceun e Korçës. Më 1924 ishte drejtor i përgjithshëm në Ministrinë e Arsimit në Tiranë dhe më pas, drejtor i Gjimnazit të Tiranës. Si drejtor i Zyrës së Shtypit, në Ministrinë e Punëve të Jashtme dhe themelues i Agjensisë Telegrafike Shqiptare, Sherko u bë nismëtar i emisionit të parë të lajmeve në gjuhën shqipe, që përgatitej në Tiranë dhe transmetohej në Radio-Bari në Itali. Për merita pune, ai meritoi disa nga dekoratat dhe urdhërat më të lartë të kohës.
Referencat:
Thimi Çollaku / Kalendari i botës shqiptare
You may also like
-
10 Prill 1554, mbishkrimi i Onufrit në kishën e Shpatit: “kur të ngrehesh duart e tu ke Perëndia, më përmend dhe mua mëkatar Onufrin”
-
10 Prill 1711, u hap katedra e gjuhës shqipe në kolegjin San Piero Montorios në Itali
-
10 Prill 1833, shpërtheu në pazarin e Shkodrës një revoltë e armatosur kundër pushtuesve osmanë
-
10 Prill 1914, u miratua në Vlorë Statuti Organik i Shqipërisë
-
10 Prill 1914, premiera e filmit dokumentar “Durrësi kryeqendra e re e Shqipërisë”