QMKSH organizoi një ekspozitë në sëlinë e Kryegjyshatës Botërore Bektashiane në Tiranë . U paraqitën botime të veprave origjinale të Sami Frashërit në osmanisht, dorëshkrime të Ferid Vokopolës, si dhe disa flamuj. Vëmendjen e vizitorëve të shumtë e tërrhoqi sidomos një flamur i vitit 1922, i familjes Ndroqi. Ky flamur është punuar me qëndisje, poshtë shqiponjës shkruhet me të zezë “Rroftë Flamuri”, ndërsa me shkronja të arta është qëndisur shprehja e Naim Frashërit “Sikur të mos keshë luftu zogu i Skënderbeut, do të keshë mundë Turqia gjithë faqen e dheut”. Shpëtim Sala dha një intervistë në çelje të ekspozitës. Personalitete të komunitetit Bektashian, por edhe të letrave shqipe, shkruan mbresa në librin e vizitorëve. Në përmbyllje të aktivitetit por edhe për të festuar ditën e shënuar të Sulltan Novruzit, QMKSH pati një drekë në ambientet e këndshme të bujtinës Mera në Petrelë.
You may also like
-
QMKSH mori pjesë në “Një pasdite në muze” organizuar nga Muzeu Historik Kombëtar
-
Ekspozitë me rastin e 124 vjetorit të shkollës së parë shqipe në Pogradec
-
Ekspozitë në Korçë: 121 vjet mësonjtore shqipe
-
Ekspozitë me rastin e “120 vjetorit të mësonjëtores shqipe”, Korçë më 7 mars 2007
-
Akademia Monarkiste Shqiptare vlerëson me çmimin “KONSTANDINI I MADH” Z. Shpëtim Sala, Presidenti Nderi i QMKSH.