Kapitullimi i të gjitha forcave gjermane hyri në fuqi, më 9 Maj 1945, në orën 00.01 pas mesnate. Lufta e Dytë Botërore, mori fund pas 2077 ditë luftimesh, të përgjakshme dhe shkatërrimtare. Në të u përfshin 72 shtete, që mobilizuan mbi 110 milion ushtarakë. Në këtë kasaphanë të përbotshme, u vranë 55 milionë veta, pa përmendur të plagosurit dhe të gjymtuarit. Dëmet materiale janë të pallogaritshme. Shqipëria u radhit në Koalicionin e Madh Antifashist të popujve. Lufta e popullit tonë, kundër fashizmit, u njoh nga qeveritë e Fuqive të Mëdha në dhjetorin e vitit 1942, me anë të deklaratave të posaçme zyrtare, që bënë për këtë çështje ministrat e tyre të Punëve të Jashtme. Ushtria Nacionalçlirimtare, pa llogaritur forcat e tjera antifashiste, numëronte deri në 70 mijë veta. Në luftimet që u zhvilluan në Shqipëri, pushtuesit lanë 53,639 të vrarë, të plagosur dhe robër pa përmendur humbjet e mëdha në armatime të rënda dhe të lehta. Shqipëria është një nga vendet e pakta, që u çlirua me forcat e veta.
You may also like
-
23 November, 1466, Kritobuli from Imbros confirms the autochthony of the Albanians in Balkans
-
23 November, 1843, was born the arbëresh folklorist Bernard Bilota
-
23 November, 1843, Dervish Pasha gave the city of Ulcinj to Montenegro
-
23 November, 1919, was established the Patriotic Society “Vllazëria”
-
23 November, 1921, was published “Studenti” magazine