Jani Vreto, atdhetar dhe mendimtar i Rilindjes Kombëtare u lind më 14 Janar 1822. Kreu shkollën “Zosimea” të Janinës. Më 1854, u vendos në Stamboll, ku u zgjodh anëtar i Komitetit Qëndror për Mbrojtjen e të Drejtave të Kombësisë Shqiptare. Bashkë me Ismail Qemalin, Hoxha Tasinin, Kostandin Kristoforidhin dhe Pashko Vasën, formuluan dhe miratuan, Alfabetin e Stambollit. Jani Vreto ka shkruar një seri veprash e artikujsh si “Apologjia”, “Për të vërtetën dhe për të shkruarit e të vërtetës” etj. Ai ka dhënë mendime dhe ka punuar për moralin, fenë, jetën shoqërore, për gjuhën e shkruar shqipe, për hapjen e shkollave në gjuhën amtare, për përhapjen e kulturës dhe të diturive ndër shqiptarët.
Referencat:
Thimi Çollaku / Kalendari i botës shqiptare
You may also like
-
3 Prill 1880, u formua në Shkodër “Lidhja mbrojtëse e malësisë dhe e qytetit”
-
3 Prill 1937, albanologu austriak Henri Shats nisi një ekspeditë studimore në alpet shqiptare
-
3 Prill 1939, në prag të pushtimit Italian, shtypi shqiptar pushtohet nga propaganda fashiste
-
3 Prill 1939, shfaqja patriotike në kinema Gloria solli manifestime të forta antifashiste në Tiranë
-
3 Prill 1940, u krijua në Shqipëri Këshilli i Epërm Fashist Korporativ