Hapja e shkollës së parë shqipe në Korçë, pati jehonë në gjithë Shqipërinë e Jugut. Më 14 Mars 1887, mësonjëtorja e parë shuipe u hap edhe në Pogradec, ku jepte mësim Koço Sotiri, vëllai i Pandeli Sotirit. Sikurse shkruan Lasgush Poradeci, për hapjen e saj ndihmoi i gjithë populli i qytetit, por ndihmesë të veçantë dhanë Ndini Sotiri dhe Mitro Gusha, të ciliët ishin nismëtarë dhe agjitatorë të përhapjes së arsimit në gjuhën shqipe. Hapja e shkollës së parë në Pogradec, pati ndikimin e vet në të gjithë krahinën. Në shumë fshatra si në Treskë, Polenë, Luaras e gjetkë, të vegjël e të rritur, mësonin të shkruanin e të lexonin shqip dhe jepnin ndihmesën e tyre për ngritjen e shkollave shqipe. Jehona e saj u ndje deri në Kolonjë, Leskovik dhe Elbasan.
Referencat:
Thimi Çollaku / Kalendari i botës shqiptare
You may also like
-
4 Prill 1922 u lind Ndrek Shkjezi.
-
4 Prill 1460, Skënderbeu i shkon në ndihmë aleatit të tij Alfons të Napolit
-
4 Prill 1937, gazetat e Tiranës ngrenë çështjen e punës me plane afatgjata
-
4 Prill 1937, u botua lista e parë me emra shqiptarë për djem e vajza, e përpiluar nga patrioti Baba Ali Tomorri
-
4 Prill 1939, takime intensive të kontit Çiano për pushtimin e Shqipërisë