Shkolla e Vashave
Pedagogia dhe atdhetaria Shadie Asllani, u lind më 14 Shtator 1895, në Bejrut; atje mbaroi Kolegjin amerikan për vajza. Më 1920, hapi në Libohovë shkollën e parë të vashave dhe e drejtoi atë. Në Tiranë, punoi nëndrejtoreshë, përkrah Mati Logorecit, dhe drejtoi shoqërinë e grave “Shqiptarka”. U aktivizua në Kongresin e Arsimit Shqiptar më 1924, në veprimtarinë e shoqërisë “Bashkimi”. U largua nga Shqipëria bashkë me Nolin dhe pas kthimit në Atdhe , u burgos dhe u internua nga monarkia e Zogut. Më 1971, u dekorua me Urdhërin “Për veprimtari patriotike”.
Referencat:
Thimi Çollaku / Kalendari i botës shqiptare