Kol Jakova
Në qytetin e Shkodrës, më 15 Dhjetor 1916, u lind poeti, shkrimtari dhe dramaturgu i shquar shqiptar Kol Jakova, luftëtari antifashist i orëve të para që i luftoi pushtuesit me armë dhe me penë, autor i këngëve, që u kthyen në “bombë e flamur”; si “Kënga e tre heronjëve”, “Shqiponja partizane”, “Heronjtë e Vigut”, etj. Ka dhënë një ndihmesë të madhe në zhvillimin e dramaturgjisë shqiptare. Dramat “Toka jonë”, “Përkolgjinajt”, “Lulet e shegës”, “Bashkë me agimin”, “Lugajanët” dhe sidomos “Halili dhe Hajrija”, janë vënë në skenat e Shqipërisë; mbi motivin e tyre janë xhiruar filma dhe luajtur balete. Veç artikujve, tregimeve dhe novelave të botuar në shtypin e kohës, Kol Jakova ka lënë dhe tre romane: “Fshati midis ujrave”, “Përballë hekurave të kryqëzuar” dhe “Kulla buzë liqenit”.
Referencat:
Thimi Çollaku / Kalendari i botës shqiptare
You may also like
-
23 Shkurt 1925, francezi Aleksandër Kole pikturon shqiptarët
-
23 Shkurt 1843, referat i prof. Franc Bopi në Akademinë e Shkencave të Berlinit; shqipja është një gjuhë indoevropiane
-
23 Shkurt 1848, u botua nga De Rada gazeta “L’albaneze d’Italia”
-
23 Shkurt 1921, u lind albanologu i shquar Italian Xhovani Batista Pelegrini
-
23 Shkurt 1923, lindi kompozitorja Dhora Leka