Artisti dhe dramaturgu famëmadh francez, Zhan Baptistë Poklen Molier, i lindur më 15 Janar 1622, ka hyrë në skenën shqiptare, atëherë kur Shqipëria nuk kishte asnjë trupë profesionale. Në vitet 20’, “Shoqëria e Arteve të Bukura”, në Korçë, luajti komedinë e tij “Doktor pa dashka”, me regji të Vasil Antoniut dhe dekor të Vangjush Mios. Po kjo komedi u luajt më 1926 edhe në fshatin Boboshticë të Korçës. “Martesa me përdhunë” ishte një nga pesë shfaqjet e para të trupës së parë profesioniste të ngritur në Tiranë, fill pas çlirimit të kryeqytetit. Pas saj erdhi “Tartufi”, “Borgjezi fisnik”, “Kopraci”, etj.
Referencat:
Thimi Çollaku / Kalendari i botës shqiptare
You may also like
-
4 Prill 1922 u lind Ndrek Shkjezi.
-
4 Prill 1460, Skënderbeu i shkon në ndihmë aleatit të tij Alfons të Napolit
-
4 Prill 1937, gazetat e Tiranës ngrenë çështjen e punës me plane afatgjata
-
4 Prill 1937, u botua lista e parë me emra shqiptarë për djem e vajza, e përpiluar nga patrioti Baba Ali Tomorri
-
4 Prill 1939, takime intensive të kontit Çiano për pushtimin e Shqipërisë