Në Tiranë, më 17 Gusht 1944, u lind Profesor Rexhep Mejdani, fizikant, pedagog, gazetar dhe shtetar i shquar. Eshtë arsimuar në vendlindje dhe u diplomua për fizikë, në Universitetin Shtetëror të Tiranës. Menjëherë pas studimeve, filloi si asistent dhe vazhdoi si pedagog. Si rezultat i studimeve pasuniversitare, fitoi titullin e lartë Doktor i Shkencave në Universitetin e Parisit dhe tre vjet më vonë edhe në Universitetin e Tiranës. Më 1987, mori dhe titullin Profesor dhe për katër vjet drejtoi si dekan Fakultetin e Shkencave të Natyrës të Universitetit të Tiranës. Në vitet e tranzicionit u angazhua dhe në jetën politike të vendit. Në vitin 1996, u zgjodh sekretar i përgjithshëm i Partisë Socialiste, ndërsa më 24 Korrik 1997, Kuvendi i Shqipërisë në një periudhë shumë të trazuar dhe delikate, e zgjodhi President të Republikës.
Referencat:
Thimi Çollaku / Kalendari i botës shqiptare
You may also like
-
17 Prill 1274, Karlit I Anzhu përjashton nga taksat doganore tregëtarët durrsakë
-
17 Prill 1537, ekspeditë e Ajaz Pashës për të shtypur kryengritësit e përjetshëm himariotë
-
17 Prill 1880, Kuvendi i Shkodrës përmirësoi ndjeshëm programin e Lidhjes së Prizrenit
-
17 Prill 1916, u krijua në Pogradec shoqëria “Trupi gjimnastik”, që zhvilloi veprimtari patriotike-politike
-
17 Prill 1927, lindi në Tiranë “Artisti i Merituar”, Enver Dauti