Nermin Vlora-Faiaski, mbesa e Ismail Qemalit, u lind në Tiranë, më 18 Prill 1921. E pajisur me dhunti prej poligloti dhe talent të rrallë, ajo e nisi që herët krijimtarinë letrare, veprimtarinë studimore dhe përkthimin e autorëve të huaj në gjuhën shqipe. E martuar me diplomatin italian Renco Falaskin, ajo pati mundësi, të jetojë në disa vende të botës, të studiojë historinë dhe kulturën e tyre. Ajo mbajti leksione me një tematikë shumë të gjërë në universitetet amerikane, angleze, portugeze, kineze, kolumbiane, çekosliovake e deri ugandeze, duke u kthyer kështu në një ambasador shëtitës të kulturës shqiptare. Nermin Vlora ka lënë një thesar të tërë, me vepra letrare e studimore, një mori artikujsh të botuar në gjithë shtypin e botës.
Referencat:
Thimi Çollaku / Kalendari i botës shqiptare
You may also like
-
3 Prill 1880, u formua në Shkodër “Lidhja mbrojtëse e malësisë dhe e qytetit”
-
3 Prill 1937, albanologu austriak Henri Shats nisi një ekspeditë studimore në alpet shqiptare
-
3 Prill 1939, në prag të pushtimit Italian, shtypi shqiptar pushtohet nga propaganda fashiste
-
3 Prill 1939, shfaqja patriotike në kinema Gloria solli manifestime të forta antifashiste në Tiranë
-
3 Prill 1940, u krijua në Shqipëri Këshilli i Epërm Fashist Korporativ