Aktori i shquar britanik Norman Uisdom, apo siç njihet në publik, Pitkini, më 19 Janar 1995 arriti në Tiranë për një vizitë 4 ditore. Ai pati shumë takime me artistë e politikanë të vendit, pa shfaqjet e pregatitura për nder të tij dhe improvizoi edhe vetë interpretime të skeçeve dhe pantonimave. Ai vizitoi objektet që përfshihen në projektin e tij të ndihmës mjekësore si Spitalin nr. 1 dhe 2, Qendrën e Transfuzionit të Gjakut, Kryqin e Kuq, Spitalin Pediatrik e Disotrofik, etj. Ai u nderua me çmimin “Qytetar Nderi i Tiranës”. Menjëherë pas kthimit në atdhe, Norman Uisdom u nderua nga Mbretëresha Elisabetë me “Urdhërin e Mbretërisë Britanike” dhe u përfshi kështu në “Listën e Nderit të Mbretërisë Britanike”.
Referencat:
Thimi Çollaku / Kalendari i botës shqiptare
You may also like
-
23 Shkurt 1925, francezi Aleksandër Kole pikturon shqiptarët
-
23 Shkurt 1843, referat i prof. Franc Bopi në Akademinë e Shkencave të Berlinit; shqipja është një gjuhë indoevropiane
-
23 Shkurt 1848, u botua nga De Rada gazeta “L’albaneze d’Italia”
-
23 Shkurt 1921, u lind albanologu i shquar Italian Xhovani Batista Pelegrini
-
23 Shkurt 1923, lindi kompozitorja Dhora Leka