21 Korrik i vitit 1452, është përvjetori i fitores së Gjergj Kastriotit, në betejën e Modricës. Luftëtarët shqiptarë i dhanë trupave osmane të komanduara nga Hamza Pasha, një goditje të befasishme dhe të rrufeshme. Pjesa e ushtrisë osmane, që shpëtoi, u prit në ngushticat e luginës nga kalorsia shqiptare, e komanduar nga Hamza Kastrioti. Në betejë osmanët lanë shumë të vrarë edhe vetë komandanti i tyre, ra rob. Fitorja e Modricës, ishte e para kundër forcave osmane, që nga koha e hipjes në fron e sulltan Mehmetit të II. Sulltani i ri dërgoi një ekspeditë të dytë, e cila pësoi fatin e së pares, në fushën e Mecadit, ku veç humbjeve të tjera të mëdha, u vra dhe vetë komandanti turk i ekspeditës, Talip Pasha.
Referencat:
Thimi Çollaku / Kalendari i botës shqiptare
You may also like
-
7 Prill, shënohet sot dita botërore e shëndetsisë
-
7 Prill 1881, lindi në Çamëri shqiptari Hasan Tahsini, dijetari më i madh i Stambollit
-
7 Prill 1867, lindi albanologu danez Holger Pedersen, mbrojti tezën “shqipja e sotme rrjedh nga ilirishtja”
-
7 Prill 1937, vdiq shtetari e pedagogu Mustafa Curri
-
7 Prill 1939, gjenerali Italian Guxoni nisi ofensivën mbi Shqipëri