Sot përkujtohet albanologu austriak Karl Paç, një ndër themeluesit e arkeologjisë ilire. Ai ka shërbyer si drejtor i Muzeut Krahinor të Bosnje-Hercegovinës dhe institutit për hulumtime Ballkanike në Sarajevë. Ai ka ndihmuar për botimin e disa veprave për Shqipërinë midis të cilëve dhe të disa autorëve shqiptarë. Rezultatet e kërkimeve arkeologjike dhe etnografike që ai i kreu në Vlorë, Berat, Apolloni, Bylis, Orik e Amantia janë pasqyruar në librin “Sanxhaku i Beratit”, që e botoi në Vjenë më 1904. Gjatë viteve 1922-1924, Karl Paç punoi në Shqipëri dhe ndihmoi në ngritjen e një muzeu Kombëtar. Në këtë kohë botoi librat “Ilirët” dhe “Gjëndja ekonimike dhe kulturore e Shqipërisë në kohën e kalueme” si dhe është autor i kapitullit për Shqipërinë në veprën kolektive “Gjeografi e tregëtisë botërore, që është botuar në Vjenë më 1926. U nda nga jeta, më 21 Shkurt 1945.
Referencat:
Thimi Çollaku / Kalendari i botës shqiptare
You may also like
-
22 Nëntor 1902, hapet shkolla e natës për mërgimtarët tanë në Bullgari
-
22 Nëntor 1913, botohet Kanuni i Përtashëm i Administratës Civile të Shqipërisë
-
22 Nëntor 1908, përfundoi punimet Kongresi i Manastirit
-
22 Nëntor 1923, numri i parë i gazetës politike Xhoka
-
22 Nëntor 1927, nënshkruhet Pakti i Dytë i Tiranës