Regjisorja e shquar Xhanfize Keko, “Artiste e Popullit”, u lind më 27 Janar 1928. Karrierën kinematografike e filloi si shitëse biletash në kinematë e kryeqytetit. Pas një kursi dy vjeçar pranë “Studios Qëndrore të Filmave Dokumentarë” në Moskë, filloi punën në Kinostudion “Shqipëria e re” që në themelimin e saj në vitin 1952. Atje shumë shpejt u bë regjisore për filmat dokumentarë e më pas edhe për ata artistikë. Hapat e para në këtë fushë ishin filmat “Oshëtimë në bregdet” dhe “Plagë të vjetra”. Ajo u bë e njohur me filma dokumentarë e artistikë brenda e jashtë Shqipërisë. Filmat “Beni ecën vetë”, “Taulanti kërkon një motër”, “Kur po xhirohej një film” etj, sollën një fllad të ri në kinematografinë tonë e i sollën regjisores shumë çmime e medalje në festivalet ndërkombëtare të filmit në Beograd, Itali etj.
Referencat:
Thimi Çollaku / Kalendari i botës shqiptare
You may also like
-
23 dhjetor 910, vdiq Shen Naumi.
-
23 Dhjetor 1880, “Qeveria e Përkohshme” e Prizrenit; nënpunës shqiptarë dhe armatosje
-
23 Dhjetor 1903, u lind në Korçë Naum Stralla, ekonomist e pedagog
-
23 Dhjetor 1912, Shteti Shqiptar lëshon kredencialin e parë diplomatik
-
23 Dhjetor 1919, vullnetarët e Kelmendit në luftën për të mbrojtur Shkodrën, zunë 243 robër