Veprimtari i shquar i shkollës shqipe Qamil Balla, u nda nga jeta, më 28 Gusht 1933. Pas diplomimit në Stamboll, dha mësim në gjimnazet e Manastirit, Selanikut dhe Janinës, ku zhvilloi dhe një veprimtari të dendur patriotike, midis studentëve shqiptarë. Për këtë, pedagogu patriot përfundoi në shkollat e Jeruzalemit, drejtor i përgjithshëm i arsimit në Bagdat dhe inspektor i përgjithshëm i arsimit në Damask. Vetëm pas Luftës së Parë Botërore, u kthye në Shqipëri dhe luftoi për organizimin e arsimit mbi baza laike. Më 1922, mori pjesë në Kongresin Arsimor të Tiranës. U zgjodh anëtar i Komitetit “Mbrojtja kombëtare e Kosovës” dhe deputet i prefekturës së Kosovës. Emrin e tij e ndeshim në shumë organe të kohës. Trajton nevojën e arsimit të gruas shqiptare, përgatitjes së saj si aktiviste shoqërore. Qamil Balla, përkrahu Revolucionin e Qershorit dhe pas shtypjes së tij, deri në vitin 1930, jetoi në mërgim. Pas kthimit në atdhe, u emërua drejtor i shkollës “Naim Frashëri”, në Tiranë dhe nismëtar i ngritjes së shkollave pa shkëputje nga puna, për burra dhe gra.
Referencat:
Thimi Çollaku / Kalendari i botës shqiptare
You may also like
-
9 Prill 1641, relacion i Frang Bardhit për kultivimin masiv të misrit në Zadrimë
-
9 Prill 1831, nisi rënia e Bushatllinjve të Shkodrës pasi u thyen në betejën e Përlepit
-
9 Prill 1920, u ndalua me ligj propoganda kundër kombësisë, flamurit, dhe gjuhës shqipe
-
9 Prill 1934, u firmos në Pragë konventa për tregëti me Mbretërinë Shqiptare
-
9 Prill 1937, trupa kulturore e shoqërisë “Vllaznia” shfaqi në Shkodër dramën e Andrea Skanjetit