Sot kompozitori, instrumentisti dhe pedagogu Agim Krajka feston përvjetorin e lindjes. Ai u lind në fshatin Harizaj të Kavajës, më 3 Maj 1937, ku mori dhe mësimet e para. U diplomua në Institutin e Lartë të Arteve në Tiranë për muzikë, në vitin 1968. Punoi në Pallatin e Kulturës “Ali Kelmendi” si instrumentist dhe pedagog. Mori pjesë në Festivalet e Këngës në Radio dhe fitoi disa çmime. Si kompozitor, bashkëpunoi me Kinostudion “Shqipëria e Re”. Ai ka kompozuar muzikën e shumë filmave vizatimor dhe artistikë. Në vitet 90-të, u vendos në Nju Jork të Shteteve të Bashkuara, ku luante muzikë në lokalet e shqiptarëve dhe bashkë me bashkëshorten hapën një shkollë muzike kryesisht për fëmijët e mërgimtarëve shqiptarë. Tani është kthyer në atdhe.
Referencat:
Thimi Çollaku / Kalendari i botës shqiptare
You may also like
-
5 Prill 1208, Dhimitri, arkondi i madh i Arbërisë, nënshkroi marrëveshjen e paqes me Raguzën
-
5 Prill 1897, u botua nga Komiteti i Stambollit gazeta “La Nacione Albanese” në Itali
-
5 Prill 1912, lindi ushtaraku Veli Dedi “Luftëtar i Brigadave Ndërkombëtare”
-
5 Prill 1914, forcat kombëtare zmbrapsën trupat e rregullta të ushtrisë greke në Korçë
-
5 Prill 1921, përfunduan zgjedhjet parlamentare për Këshillin Kombëtar