Konferenca e Ambasadorëve në Londër, më 31 Gusht 1923, e denoncoi qeverinë e Athinës, si organizatore të vrasjes të kryetarit të Komisionit Ndërkombëtar të Kufijve gjeneralit Italian, Enriko Telini dhe e ngarkoi Greqinë me përgjegjësi morale dhe materiale. Atentati i 27 Gushtit, u krye nga politikanë shovinistë grekë, për të treguar se shqiptarët janë kriminelë dhe vrasës dhe se ata nuk e meritojnë të kenë shtetin e tyre. Bandat greke, bashkë me gjeneral Telinin, vranë edhe shoqëruesin e tij: majorin mjek Korti, togerin Banacini, shoferin Farneti dhe përkthyesin shqiptar Thanas Gjezirin. Megjithë demaskimin ndërkombëtar të krimit, qeveritarët grekë acaruan marrëdhëniet greko-shqiptare. Athina tërhoqi përfaqësuesin e saj diplomatik nga Tirana dhe i thelloi përndjekjet kundër popullsisë çame, që jetonte në trojet e veta.
Referencat:
Thimi Çollaku / Kalendari i botës shqiptare
You may also like
-
22 Dhjetor, shënohet sot Solstici i Dimrit
-
22 Dhjetor 1925, u krijua “Drejtoria e Emigrantëve” do kujdesej për shqiptarët e ardhur nga trojet jashtë kufirit
-
22 Dhjetor 1942, Bashkimi Sovjetik, njeh luftën antifashiste të popullit shqiptar
-
22 Dhjetor 1945, rivendosja e marrëdhënieve diplomatike me Francën
-
22 Dhjetor 1993, konturet e ekonomisë së tregut; parlamenti miraton ligjin për taksat