Kristo Dako
Sot përkujtohet patrioti, politikani, pedagogu dhe gazetari Kristo Dako. Ka zhvilluar një veprimtari të dendur, brenda dhe jashtë Atdheut për çështjen tonë kombëtar, për krijimin e shtetit dhe zhvillimin e kulturës kombëtar. Ka shkëlqyer në fushën e gazetarisë me shkrimet e shumta që ka botuar në fletoret shqiptare, që dilnin në Shqipëri, Rumani dhe Amerikë, themeloi dhe drejtoi organe të tilla si “Biblioteka Zëri i Shqipërisë”, gazetën “Dielli” dhe revistën “Ylli i mëngjesit”. U shqua për gojëtari në tribunat kombëtare dhe ndërkombëtare; është i pari që shkroi për historinë e diplomacisë shqiptare. Kristo Dako u aktivizua në luftë diplomatike në mbrojtje të çështjes së Kosovës dhe Çamërisë, u zgjodh deputet ne parlamentin shqiptar dhe bashkë me të shoqen, Sevasti Qiriazi ngritën në Tiranë “Institutin Qiriazi”, ku punoi për arsimin e vajzave shqiptare. Kristo Dako u nda nga jeta më 5 Dhjetor 1941.
Referencat:
Thimi Çollaku / Kalendari i botës shqiptare
You may also like
-
3 Prill 1880, u formua në Shkodër “Lidhja mbrojtëse e malësisë dhe e qytetit”
-
3 Prill 1937, albanologu austriak Henri Shats nisi një ekspeditë studimore në alpet shqiptare
-
3 Prill 1939, në prag të pushtimit Italian, shtypi shqiptar pushtohet nga propaganda fashiste
-
3 Prill 1939, shfaqja patriotike në kinema Gloria solli manifestime të forta antifashiste në Tiranë
-
3 Prill 1940, u krijua në Shqipëri Këshilli i Epërm Fashist Korporativ