Albanologu i shquar danez, dijetari erudit, poligloti që zotëronte 20 gjuhë të huaja përfshirë dhe gjuhën tone, Profesori i Universitetit të Kopenhagenit Holger Pedersen u lind më 7 Prill 1867. Në vitin 1893, qëndroi në Korfuz dhe më pas në zonën e Çamërisë, mblodhi materiale gjuhësore dhe folklorike me vlerë dhe që nga ajo kohë, iu përkushtua studimit të gjuhës dhe historisë së vendit tonë. Ai vërtetoi edhe autoktoninë e kategorive gramatikore shqipe dhe shumë elemente të leksikut të saj. Më 1895, Pederseni botoi veprën folklorike “Tekste shqiptare me fjalor” ku dha një studim me vlerë për gjuhën shqipe dhe veçanërisht përsa i përket dialektologjisë. Pederseni, ishte një nga bibliografët e parë të botimeve në gjuhën shqipe. Ai trajtoi dhe mbrojti tezën e rëndësishme të prejardhjes së shqipes së sotme, nga ilirishtja.
Referencat:
Thimi Çollaku / Kalendari i botës shqiptare
You may also like
-
16 Prill 1736 u shkrua Kodiku nr.72 i Beratit, monument i kulturës sonë mesjetare me vlera të mëdha historike e artistike
-
16 Prill 1881, Lidhja e Prizrenit filloi konfliktin e armatosur me forcat e perandorisë Osmane
-
16 Prill 1895, lindi poeti arbëresh Josif Rela nga krahina e Zarës në Dalmaci
-
16 Prill 1912, Kuvendi i Krasniqit i paraqiti qeverisë xhonturke një memorandum ku i kërkohej njohja e autonomisë së Shqipërisë
-
16 Prill 1913, Esat Pashë Toptani nënshkroi marrëveshjen e kapitullimit dhe dorëzoi Shkodrën tek malazezët