Muzeu Etno Kastrioti
Në Deçan të Kosovës është një muze privat shumë interesant me emrin Muzeu Etno Kastrioti. Koleksionisti Miftar Jonuzaj nga fshati Isniq falë pasionit të tij ka arritur të ngrejë ne oborrin e banesës një muze që ofron shumëçka. Ajo që shpalos muzeu për vizitorët daton qe nga koha e paleolitit në lashtësi e deri tek armët e përdorura në luftën e fundit në Kosovë. Është një artefakt prej guri më ngjyrë të zezë që ka formë të latuar. Miftar Jonuzaj pohon se ky është objekti më i hershëm që dsiponon.
Monedha të vjetra, enë balte, zbukurime të ndryshme, vegla pune apo armë luftarake; ky fond i gjerë e i pasur, që është mbledhur me përkushtim, fatkeqësisht nuk ruhet në kushtet e duhura. Ato ekspozohen në qiell të hapur dhe janë të cënueshme nga kushtet atmosfetike. Pasuria e ketij muzeu i përket të gjithë kombit shqiptar, e me të drejtë Z. Jonuzaj pret edhe ndihmë e përkrahje nga institucionet e Kosovës.