Në Fushën e Kosovës, në afërsi të Prishtinës, më 15 Qershor 1389, u zhvillua beteja e madhe ndërmjet forcave osmane të komanduara nga Sulltan Murati l dhe koalicionit antiosman të kryesuar nga princi serb Lazar. Pas fitores në betejën e Maricës me 1371 osmanët vazhduan pushtimet e tyre në Ballkanin Qëndror, duke arritur deri në trevat shqiptare dhe serbe. Për sundimtarët europianë, po bëhej e qartë se pa një bashkim të forcave, nuk mund të përballohej dyndja osmane. Prandaj në ushtrinë e koalicionit antiosman u bashkuan forcat serbe, boshnjake, hungareze, kroate, çeke, polake, bullgare, rumune e shqiptare. Në rradhët e shqiptarëve bënte pjesë sundimtari i shkodrës GjergjliStrazimir Balsha, vëllezërit Junt dhe Teodor Korona Muzaka, nga Shqipëria Qëndrore; ky i fundit mbeti i vrarë në fushën e betejës. Në betejën e Kosovës, osmanët patën epërsinë numerike në forca, që arrinin në 100 mijë veta, kundrejt 40 mijë të ballkanasve. Beteja përfundoi me fitoren e osmanëve. Por një luftëtar i ri, me origjinë shqiptare Milosh Kopiliq, depërtoi deri te çadra e Sulltanit dhe vrau Muratin 1, ndërsa osmanët për hakmarrje, i prenë kokën princit Lazar, të zënë rob. Fitorja e Kosovës, i hapi rrugën osmanëve për pushtime të reja në Ballkanin Qëndror dhe Verior dhe për depërtimin e mëtejshëm në trojet shqiptare.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj