Kleriku, atdhetari, poeti, shqipëruesi dhe studjuesi, Ndre Mjeda, ndërroi jetë më 1 Gusht 1937. Ai ishte një njeri me mëndje të ndritur dhe horizont të gjërë. Pat studjuar në Francë, Spanjë, Itali, Kroaci, Poloni, etj. Ka lënë perla të papërsëritshme, në thesarin e kulturës sonë kombëtare. Përmbledhja poetike “Juvenilja”, botuar në Vjenë, mbetet kryevepra e poetit. Vetë titujt e librave, i bëjnë jehonë kulturës së lashtë dhe origjinale, me të cilën duhet të krenohet lexuesi i tyre shqiptar. Vepra të tjera të tij janë vëllimet, “Liria”, “Shqypes arbënore”, etj. Njihet në botë si studjues dhe albanolog. Më 1902, mori pjesë në Kongresin Nderkombëtar të Orientalistëve në Hamburg te Gjermanisë, ku mbajti kumtesën “Mbi shqiptimin e palataleve në dialektet e ndryshme të gjuhës shqipe”. Bashkë më të vëllanë, më 1907, themeloi shoqërinë “Agimi”; më 1908, ishte i deleguar në Kongresin e Manastirit, ku u zgjodh anëtar i komisionit për harlimin e alfabetit të njesuar të shqipes. Më 1916, ishte ndër themelonjesit dhe anëtarët aktivë te “Komsisë letrare”.
Referencat:
Thimi Çollaku / Kalendari i botës shqiptare
You may also like
-
8 Prill 1672, Evlija Çelebiu shkruan për kullën madhështore të sahatit në Berat
-
8 Prill 1848, sot përkujtohet përvjetori i vdekjes së kompozitorit italian Gaetano Donixeti
-
8 Prill 1920, studentët shqiptarë nxorën në Vjenë numrin e parë të revistës “Djalëria”
-
8 Prill 1937, u botua e plotë kryevepra e At Gjergj Fishtës “Lahuta e malcis”
-
8 Prill 1939, trupat pushtuese italiane hynë në Tiranë