Në Tiranë, më 17 Qershor 1932, u lind profesor Rexhep Shehu. U diplomua inxhinjer gjeolog në Institutin e Lartë Politeknik të Tiranës. Karrjerën e filloi në Ndërmarrjen Gjeologjike të Bulqizës, në kërkim-zbulimin e vendburimit të Theknës. Më pas, kreu detyra dhe ka zënë poste të larta në Komitetin Shtetëror të Gjeologjisë, specialist dhe këshilltar për gjeologjinë në kryeministri, zëvëndësministër i Ministrisë Industri-Minierave, specialist e shef sektori në Komitetin e Shkencave dhe Teknikës, etj. Një vend të rëndësishëm në verpimtarinë e tij, zë puna pedagogjike për përgatitjen e brezave të rinj të gjeologëve. Ai ka dhënë leksione në Fakultetin e Gjeologji-Minierave dhe është bashkautor i teksteve mësimore, “Metodikat e kërkim-zbulimit të vendburimeve të mineraleve të dobishme”, “Provë-marrja dhe dokumentimi gjeologjik” dhe “Kërkim-zbulimi dhe llogaritja e rezervave të lëndës së parë”.
Referencat:
Thimi Çollaku / Kalendari i botës shqiptare
You may also like
-
21 Prill 1407, hordhitë osmane nisën sulmet e para kundër kështjellës së Krujës
-
21 Prill 1831, forcat e Mustafa Pashë Bushatlliut dhe ushtritë turke u ndeshën në betejën e Babunës
-
21 Prill 1907, mërgimtarët shqiptarë themeluan në Buenos Aires shoqërinë atdhetare e kulturore “Lidhja shqiptare”
-
21 Prill 1919, protestë e komiteteve patriotike për Konferencën e Paqes në Paris
-
21 Prill 1858, lindi patrioti Llambi Goxhomani