Qeveria e Ismail Qemalit
Më 29 Nëntor 1912, Ismail Qemali me cilësinë e kryetarit të Qeverisë së Përkohshme dhe Ministrit të Punëve të Jashtme, formuloi notën e parë diplomatike drejtuar përfaqësuesve të Rusisë, Austrisë dhe Italisë në Vlorë, me të cilën i njoftonte për shpalljen e pavarësisë së Shqipërisë dhe kërkonte vendosjen e marrëdhënieve zyrtare me qeverinë e re kombëtare. Në të njëjtën ditë ai i drejtohej me telegrame qeverive ballkanike, duke u bërë të ditur shpalljen e pavarësisë dhe dëshirën e popullit shqiptar për të jetuar në paqe e miqësi, me të gjitha shtetet fqinje. Këto ishin hapat e para të diplomacisë shqiptare, që u rilind bashkë me shtetin e ri shqiptar pas pesë shekujsh robërie.
Referencat:
Thimi Çollaku / Kalendari i botës shqiptare
You may also like
-
19 Prill 1785, marrëveshje e Bushatllinjve të Shkodrës me krerët e Dalmacisë
-
19 Prill 1923, lindi në Tiranë piktorja Vera Blloshmi
-
19 Prill 1938, u përfundua me Jugosllavinë “Konventa mbi lundrimin ajror”
-
19 Prill 1956, u rivendosën marrëdhëniet diplomatike midis Shqipërisë dhe Egjiptit
-
19 Prill 1982 u nda nga jeta pedagogu dhe publicisti Izet Bebeziqi